Chjam’è rispondi à Pigna : hommage à Carlu Santucci

Chjam’è rispondi à Pigna : hommage cette année à Carlu Santucci
Carlinu Orsucci, pueta impruvisatore; Cristofanu Limongi, pueta impruvisatore - France 3 Corse ViaStella - Maïa Graziani; Pierre-Olivier Casabianca

Marcuri sera, era organizata da u centru culturale Voce di Pigna, una veghja di chjam’è rispondi. I pueti sò ghjunti da tutta a Corsica per cuntrastà cum’elli a facenu ogni annu. A principiu un’umaggiu hè statu resu à Carlu Santucci.

Par France 3 Corse ViaStella

Parechji pueti è spettatori sò vinuti à impruvisà o solu per stà à sente à i chjam’è rispondi, stu mercuri sera in l’auditoriu di Pigna.

Longu à a serata i più famosi impruvisatori venuti da a Corsica sana si sò attacati trà d’elli ma sempre incù l’arte di a puesia.

I tema sò varii ma e risposte sempre in rime ancu quandu i ghjovani stuzzicanu i più anziani è chì cume Carlinu Orsucci anu sempre a parolla ghjusta "sò in traccia di dumandammi quale hè u più vechju… perchè tù marchji barbutu ellu di faccia hè nettu !"

Ma in puesia u muru di l’età ùn esiste, è a risposta di Ghjuvan’Federicu Terrazzoni ùn si face aspittà : "ùn si parla di vechjaia ùn si parla di ghjuventù.. ancu s’è sò un ghjuvanottu, sò struistu di virtù… trà noi trè o Carlinu u più vechju quì sì tù."

"U ghjuvanottu" cum’ellu a dice, ùn hè u solu nant’à a scena è dà a corda à i piu vechji. Ellu, Tittò Limongi è Ghjuvan’Francescu Luciani si danu di remenu per spassà i so maestri cum’è u Rusignolu di Zilia o Carlinu.

Umaggiu à "Carlone"

Hè principiata a serata incù un’umaggiu à Carlu Santucci dettu "Carlone", pastore curscincu di radica è alisgianincu dinù.

Ogni pueta, ogni amicu l’hà dedicatu a so impruvisata è ognunu hà cuntrastatu  incù Petru, u figliolu è ascultatu à Catalina, a so figliulina.

St’omu, smaritu qualchì mese fà era un impruvisatore appassiunatu da u  chjam’è rispondi . "Di più chè un’umaggiu à a persona hè un’umaggiu à a puesia" cum’ella ci dice Petru Santucci, u so figliolu. Cum’ella a canta Olivier Ancey "un pueta more ma ùn more a so rima".

Dopu à l’auditoriu a serata s’hè compia in giru à un banchettu sempre in canzone è in puesie. Torneranu à truvassi l’anni chì venenu i pueti, da mantene è sparte i mumenti d’amicizia è l’arte di u chjam’è rispondi.

A lire aussi

"Un mois pour un toit" : une collecte pour les familles d'enfants hospitalisés

Près de chez vous

Les + Lus