Stu marcuri, In Tantu in Cultura hè cunsacratu à l'amparera di a lingua corsa attraversu l'arti è a cultura. Pà l'uccasioni, Sébastien Luciani ricevi à Rinatu Coti, u scrittori è pueta di ceppu talavesu.
Chì devi essa a piazza di i pratichi artistichi in a trasmissioni di u corsu ? Chì hè l'apportu di a cultura in a spartera di a lingua ?
Eccu i dumandi posti da Sébastien Luciani à Rinatu Coti. U famosu scrittori, pueta è autori talavesu hè l'invitatu di st'emissioni cunsacrata à a tramandera di a nostra lingua.
/regions/2022/11/09/636be12070508_in-tantu-coti.jpg)
Si trattarà di i mezzi missi in baddu pà l'amparera di u corsu, ma dinò di i rilazioni trà u mondu puliticu è culturali nant'à 'ssu cartulari.
"À u fondu, ci spiega Rinatu Coti, s'è no vulemu firmà corsi, c'hè un'ubligazioni maestra di trasmetta attempu a lingua è a cultura. Ùn si poni micca spiccà. Vena à dì a parsona chì s'occupa di a lingua corsa si devi occupà di a cultura in u sensu u più largu è generosu di u terminu."
Pà sapenne di più, fighjuleti a noscia emissioni :
