Amazon Prime si mette à u corsu

"Jacky Ryan" stagione 2 cù JOHN KRASINSKI / © Amazon Prime
"Jacky Ryan" stagione 2 cù JOHN KRASINSKI / © Amazon Prime

Pocu fà u serviziu di videò à a dumanda di u putentissimu Amazon hà prupostu a traduzzione in sottu tituli di a nova stagione di a seria Jack Ryan in lingua corsa.
Un iniziativa rimarcata da i twittaghjoli nustrali.

Par Lionel Luciani

Jack Ryan spezialistu di a CIA, trà bombe è attentati hà da pruvà à spiantà una rete di terroristi. Strascinatu trà i so spaventi di tandu quand'ellu era ind'è i Marines in Afghanistan è u so stintu di boy-scout, li tuccarà à fà valè tutte e so cumpetenze per fà piantà u so nemicu Suleiman, un terroristu islamistu chì vole vendicà a so famiglia. 

Eccu un riasuntu bellu scucinatu à l'usu americanu, chì ferà sunnià tutti passiunati di filmi d'azzione in fondu à u Taravu. È puru, oghje hè prupostu in lingua corsa.

Mentre un tweet, Amazon Prime hà fattu sapè chì a stagione nova di issu "capi d'opera" serà sottu titulatu in corsu per u più grande piacè di i twittaghjoli nustrali sempre di più in brama.
 

In stu duminiu, u grande Amazon Prime cuncurente direttu di Netflix insolca a via per a promuzione di u corsu.

 

Sur le même sujet

Haute-Corse : des intempéries plus faibles que prévu

Les + Lus