• FAITS DIVERS
  • SOCIÉTÉ
  • ECONOMIE
  • POLITIQUE
  • CULTURE
  • SPORT

Chì piazza per a lingua corsa nantu à u numericu ?

Fabrication du Ghjurnalettu de Corse Net Infos / © Photo France 3 Corse Via Stella
Fabrication du Ghjurnalettu de Corse Net Infos / © Photo France 3 Corse Via Stella

Si a televisiò o a radio facenu piazza dapoi un pezzu à a lingua corsa, sò sempre scarsi i media à aduprà la nantu à u numericu. Avvintu di a situazione... 

Par ST et PS / France 3 Corse Via Stella

 À a televisiò, chì prupone quattru edizione d’infurmazione à ghjornu in corsu nantu à ViaStella, cum'è à a radio, a lingua corsa hè prisenta ogni ghjornu è dighjà dapoi un bellu pezzu.

E ancu u Corse Matin ci si mette chì hà cacciatu quist'annu u so Nutiziale scrittu sanu sanu in lingua corsa.

Ma à chì ne simu di a lingua nant'à internet ?  Sin'à avà è durante deci anni si truvava quasi solu nant'à u situ a Piazzetta – chì ferma u tarcanu per l’offerta à pienu in lingua corsa - ma l'affari sò cambiati.
 

I media si multiplicheghjanu nantu à a reta, quelli tradiziunali triganu sempre à mette a lingua corsa in ballu di manera regulare, ma certi cum’è Alta Frequenza o Corse Net Infos facenu di più piazza à a lingua corsa.

Nantu à u media 100% numericu CNI, tutti i ghjorni dapoi più d'un mese Ghjaseppu Poggioli publicheghja u so ghjurnalettu, una video di qualchì minuta sottutitulata.
 

« Ci semu dittu chì Brut., Konbini sò cosi chì viaghjanu ind’è u mondu sanu, perchè in Corsica ùn seria micca un prugramma chì rispondi à sta dumanda » spiega u ghjurnalista di CNI.

E l'arnesi chì viaghjanu u più sò e rete suciale. Facebook soprattuttu – chì s’hè messu ancu ellu à a lingua corsa - per purtà à cunnosce ste pruduzzione di manera larga.

 
Chì piazza per u corsu nantu à u numericu ?
Intervenants - Ghjaseppu Poggioli, ghjurnalista à CNI , @brandonandreani Equipe - Pierre Simonpoli, Lionel Luciani

 

Insignà o infurmà 


Infurmà ma dinù insignà, nantu à internet a lingua corsa campa dinù per via di l’amparera .
Qualchì mesi fà Brandon Andreani hà avutu l'idea di prupone una manera d’amparà a scrittura corsa nant'à e rete suciale.

Sò avà più di 1500 à seguitalu nant'à twitter, u segnu chì a dumanda cresce cum’è ind’è a scola d’amparera Praticalingua, in Bastia.
 


Quist'annu l'iniziative numeriche si sò multiplicate, cum'è a rivista Tempi o ancu una applicazione di scuperta di l'agricultura corsa.

Ma l'innuvazione in lingua corsa pare sempre troppu debbule per tuccà e nove generazione è assicurà a tramandera è a salvezza di sta lingua.

A strada ferma sempre da fà...
 

Sur le même sujet

Festival Jazz in Aiacciu : cinq concerts à prévoir au Lazaret

Les + Lus