Lingua corsa : prugramazione speziale issu vennari 14 di ghjugnu nantu à Via Stella

© Photo France 3 Corse Via Stella
© Photo France 3 Corse Via Stella

Pè stu vennari, France 3 Corse Via Stella vi prupone una ghjurnata sana d'infurmazione in lingua corsa.
A u prugramma : edizione speziale, invitati è riporti.

Par Jean-André Marchiani

Serà l'ultimu ghjornu di a prugramazione detta d'inguernu pè France 3 Corse Via Stella cù i 5 punti d'infurmazione à ghjornu.

Tandu, pè l'ultima di l'annata, è à l'occasione di a festa di a lingua, vi prupunemu una ghjurnata appena particulare...
 

 

100% lingua corsa


Pè l'uccasione, e cinque edizione d'infurmazione di u ghjornu à meziornu, un ora di dopu meziornu, sett'ore è ott'ore di sera, vi seranu tutte prisentate in lingua corsa.

I riporti, elli dinù, seranu bella sicura rializati in corsu da i nostri ghjurnalisti.
 

Pagina speziale !


Inde u Corsica Sera di stu venneri, à partesi di sett'ore di sera (chì serà ellu dinù prisentatu in corsu), una pagina speziale hè mess'in ballu, in diretta di a Piazza di u Mercà, in Bastia.

A u prugramma :
 
  • Trè dibattiti ingiru à a salvezza di a lingua, a so pulitica è a so trasmissione.
  • Dui invitati pè parlà ne, Lisandru de Zerbi (Praticalingua) è Brandon Andreani (Associu Cusì).
  • Riporti.


Frà i riporti prisentati, a nostra redazzione ne hà cunsacratu unu à l'associu Praticalingua.

Da fighjulà custì : a mossa urganisata per a fine d'annata a settimana scorsa à u teatru l'Alb'ore in Bastia cù una cuntrastata nantu à a lingua è un spettaculu di i memberi chì seguitanu i corsi.
 


Sughjetti, edizione in lingua corsa, dibattiti, invitati : ghjè stu vennari, è per a ghjurnata sana, nant'à France 3 Corse Via Stella.

Sur le même sujet

Le collectif Tavignanu Vivu manifeste contre le projet de centre de déchets de Giuncaggio

Les + Lus