2276 721 euros : tale hè l’inviluppu di u Statu per aiutà à una decina di prugetti di e cullettività lisulane per a racolta, a scelta è u trattamentu di a rumenzula in u 2016 : un’sustegnu impurtante.
Ogn'annu, sò duie centu vinti cinque mila tunellate di rumenzula chì sò trattate inde l’isula.
U vinti per centu hé valorizatu, l’ottenta per centu messu sottu terra.
Sta situazione, chì hà fattu nasce una sfilarata di crise dipoi a chjusura di u centru di Tallone, u prefettu di Corsica n’hà fattu una priurità, cunsacrandu a metà di i fondi di sustegnu à l’investimentu lucale à u trattamentu di a rumenzula.
Sò più di dui milioni d’euros chì sò dati à e cullettività. Un’aiutu previstu per cumprà camiò, conteners é tutti l’ernali tecnichi per permette di racoglie u mullizzu di manera più staccata.
Fra i dece prugetti scelti da u Statu, quellu di megliurà a racolta indè u circondu di Bastia (920.637€), u sviluppu di a scelta in Purticchju è in Pumonte (240.000 €) è a racolta inde u paese aiaccinu (279.200€). Ma ci vulerà à cuntà tre anni per a messa in ballu è a rialisazione.
U riportu di Maïa Graziani, Guillaume Leonetti è Stephane Agostini
