In a seguita di i prucessi iniziati da a precura economica è finanziaria di Bastia per schiarisce i conti è l’attività di e cullettività publiche. U prucessu di l’anzianu merre di Centuri s’apre marti davanti à u tribunale currezziunale di Bastia. (Articulu in lingua corsa)
A ghjustizia attacca à Joseph Micheli per favoritisimu è sviamentu di mezi publichi è presa illegale d’interressi. L’anzianu merre cumparisce incù un altr’elettu : Jacques Kappas, chì ghjè accusatu ellu, di cumplicità è di favoritisimu era à l’epica di i fatti cunsegliere municipale è ghjè sempre oghje prim’aghjuntu.
Ghjudicati dinù, trè impresarii Stéphane Ramora, Éric Michelotti è Jean-Antoine Ringioni. Sò suspettati dà a ghjustizia d’avè piattatu è benefiziatu di un sviamentu di mezi publichi.
A ghjustizia s’interressa à travagli compii trà u 2010 è u 2013 per un costu di 300 000 euri tramezati in sfarenti mercati publichi, passati senza nisuna publicità. Per ciò chì tocca a renuvazione di a ghjesa di u paese, l’anzianu mere deve dinù spiegassi per avè fattu travaglià unu di i so cugini.
Joseph Micheli, scuntratu oghje, si dice cunfiente per spiegassi e aspetta stu prucessu riportatu duie volte, digià.
Per David Brugioni, u merre attuale di a cummuna di Centuri sta storia chì avvelena a vita di u paese si deve compie à u piu prestu.
