C’est le fruit d’un travail de 8 mois mené par un groupe d’auteurs sur une idée d'Henri Medori, le fondateur des éditions Aedis, qui publient cette carte dans plusieurs formats. Leghje l'articulu in lingua corsa.
Da Dollare in punta di u Capicorsu à Bunifaziu sta prima carta di l’isula fatta sana sana in lingua corsa ripiglia tutti i nomi di paesi, di fiumi o di cime di Corsica. Si trovanu dinù nantu à stu documentu spiegazione nantu à a geograffia o l'amministrazone di l'isula.
Un travagliu di ottu mesi hè statu fattu da un gruppu d'autori da assestà la è racoglie i nomi anziani di i lochi.
Un travagliu in cumunu
Carlu Castellani, Sabella Cervetti, Petru Paulu de Casabianca, Ghjermena de Zerbi, Ghjacumu Fusina, Janine Castellani è Ferrandu Olmeta sò l’autori di sta carta pastificata è stampata in parechje misure sfarente.
U prughjettu hè natu in mente di Henri Medori, patrone di l’edizione Aedis ch’anu stalatu un parte di i so scagni in Bastia, carrughju Luce de Casabianca, dapoi qualchì settimana.
I particulari, e scole, ma dinù e culletività cum'è e merrie, i dipartimenti o a CTC... ghjè u publicu à u quale si vole Aedis addirizzà cù a so carta venduta à partesi da 20€ a pezza secondu à e misure.
Una scelta economica ma dinu d'autore à salutà in piena cuntrastata nantu à l’avvene di a lingua nustrale è u so usu.
