Un focu s’hè dichjaratu oghje versu meziornu in Capu Fica, nant’à a cumuna di Bunifaziu. Par avà, a situazione ùn hè ancu sott’à u cuntrollu di i succorsi.
Almenu 350 èttari anu digià brusgiatu.
150 spenghjifochi è a securità civile sò prisenti sopr’à locu.
In più di mezi umani, 2 Canadair venuti da u cuntinente è 4 trackers cumbattenu u focu.
©France 3 Corse ViaStella
A RT 40 hè stata tagliata sott’à u paese di Pianottoli.
120 persone sò state cacciate da a rena “A Tonnara” per via di u periculu maiò.
A 5 ore, l’incendiu cumminciava à sparghjesi annant’à a cumuna di Pianottoli-Caldarellu.
