Serà candidatu Jean-Christophe Angelini per l’elezzione municipale à vene in Purtivechju. Rivene in un’intervista nan’à e discursate cù u merre Georges Mela per fà l’unione ma dinù nant’à a l’altra candidatura naziunalista, quella di Don-Mathieu Santini.
A si pruverà per a quattresima volta in Purtivechju Jean-Christophe Angelini.
A ci hà dettu, serà ellu u capifila di l’unionetrà u Partitu di a Nazione Corsa (PNC) è Corsica Libera.
Fatta fine, incù Jean-Christophe Angelini, ci seranu quattru liste à sceglie per i Purtivechjacci. Si sò digià dichjarati Don-Mathieu Santini, sustenutu da Femu a Corsica, è Jean-Michel Mosconi di diritta.
Di pettu à elli, pruverà u merre Georges Mela di tene a so sciarpa.
Prima riunione publica per Jean-Christophe Angelini, u 22 di nuvembre à vene.