François-Louis Carboni a fait de sa passion un metier. Fils de menuisier, très jeune il décide de faire carrière après avoir appris le metier au côté de son père. Il y a 4 ans il ouvre son propre atelier à Bastia. Récit d'une histoire de famille.
Pulì, sigà, transformà u legnu… François-Louis Carboni, figliolu di bancalaru di 26 anni, n’hà sceltu di fà a so vita.
In 2012 compra u so attellu à un anzianu bancalaru, à u Cimbalu, a porta di San ghjisè in Bastia.
Dopu à a so furmazione à u CFA franca u passu d’un sognu natu da zitellu à fiancu à u so babbu. A dui passi per u carrughju San ghjisè si raghjunghje l’attellu di u so babbu, Jean-Claude. Ellu u mistieru u maneghja dapoi 40 anni.
San Ghjisè patrone di i bancalari
Hà cunnisciutu San Ghjisè incù 12 bancalari è i so impiegati, sò quasi l'ultimi oghje. Jean-Claude Carboni hè ancu più fieru di vede chì a seguita hè assicurata ind'è a so famiglia.
Una passione chì s’allarga dinù quandu da u legnu François-Louis si mette à stazzunà per arrichì e so creazione.
Hè sta storia trà i Carboni è u legnu hè da veru una storia di famiglia. Tocca dinù à a figliola, Martine, chì hà scumbattutu per fassi piazza à mezu à l'omi di u mistieru.
