Memoria, patrimoniu è legame suciale in Boziu

© Maïa Graziani
© Maïa Graziani

L'associu Cardone di Bustanicu hà rifattu oghje u tettu di un vechju stazzu. Quellu di Camperunacciu, induve dui pastori funu assassinati dà un legiunariu in u 1976. Da tandu, u locu hè statu abbandunatu. Torna à a vita grazie à u travagliu di i buzinchi.

Par Maïa Graziani (édition : Axelle Bouschon)

Sott'à li fai d'u Boziu, si camina, à passi sicuri, senza prissà si.

Portanu a soma sti Bustanichesu. E pesa u piombu.

Sti materiali di legnu è metale... sò da rifà un tettu. Quellu di una casetta in e Camparunacciu.
 
© Maïa Graziani
© Maïa Graziani

Un stazzu induv'elli travaglianu dipoi un annu ghjà.

"Avemu ricullatu i muri, avemu fattu la rasa, avemu fattu l'intempiamentu, aspettavamu di pone u tettu, cio chè n'emu da fà oghje. Avemu fattu tutti i nostri amichi è i nostri paesani da cullà u materiale, avemu messu tuttu à nivellu cum'è quì, simu partutu da quì avemu muratu tuttu avemu fattu una parte à l'asseccu eppò dinù un'antra parte cù a terra di u locu cum'elli facianu nanzi." spiega Nicolas Battini, di l'associu "Cardone di Bustanicu".

Nanzi, è dipoi seculi, campavanu quì pastori; L'ultimi, i fratelli Ruggeri, sò stati tombi inde l'anni settanta, in sta casetta.

Sò cumossi assai quelli chì l'anu cunnisciuti, di vede stu locu ripiglià fiatu.
 
© Maïa Graziani
© Maïa Graziani
Questa ricustruzione hè impurtante per u bustanichese Toussaint Poli :

"Mi stringhje u core di vede tutti sti ghjovanni chì rifacenu u stazzu è perchè u ghjornu ch'ella hè accaduta sta disgrazia quì, st'affare, aghju capitu subbitu ch'è ùn sentiamu più tintenulle di capre chì una vita s'è spenta ind'a muntagna ci era una vita…"

Tintena per avà, ùn si ne sente micca… Ma ghjunghje à l'arechja u cantu di a funtana, appena custruita… U rimore di l'arnesi… Ed e rise di l'amichi chì priparanu u spuntinu.
 

Avete vistu, appena ghjunti ghjunghje subbitu a fame, l'appetittu quand'e vo site in muntagna… ghjunghje subbitu


Eccu u prughjettu di l'associu Cardone quì : fà ne torna un locu di vita è spartera.

"Avete vistu, appena ghjunti ghjunghje subbitu a fame, l'appetittu quand'e vo site in muntagna… ghjunghje subbitu, dice Antoine Battini, bustanichese. È tandu era cusi, cullavanu i pastori è cullavanu chì pruminavanu, i turisti, ci era appena di tuttu, era una pruminata, voilà."

Prossimu cantiere : ricullà u casgile.
 
Memoria, patrimoniu è legame suciale in Boziu
Intervenants : - Nicolas Battini, associu "Cardone di Bustanicu"- Antoine Battini, bustanichese - Toussaint Poli, bustanichese. Equipe : GRAZIANI Maia - NANNINI Pierrick - GINESTE Christophe

 

Sur le même sujet

Les + Lus