Si a televisiò o a radio facenu piazza dapoi un pezzu à a lingua corsa, sò sempre scarsi i media à aduprà la nantu à u numericu. Avvintu di a situazione...
À a televisiò, chì prupone quattru edizione d’infurmazione à ghjornu in corsu nantu à ViaStella, cum'è à a radio, a lingua corsa hè prisenta ogni ghjornu è dighjà dapoi un bellu pezzu.
E ancu u Corse Matin ci si mette chì hà cacciatu quist'annu u so Nutiziale scrittu sanu sanu in lingua corsa.
Ma à chì ne simu di a lingua nant'à internet ? Sin'à avà è durante deci anni si truvava quasi solu nant'à u situ a Piazzetta – chì ferma u tarcanu per l’offerta à pienu in lingua corsa - ma l'affari sò cambiati.
I fiori da pone (o da lascià in l'ortu) per l'ape https://t.co/S4ReyaiuDt
— A Piazzetta (@aPiazzetta) 26 juin 2018
I media si multiplicheghjanu nantu à a reta, quelli tradiziunali triganu sempre à mette a lingua corsa in ballu di manera regulare, ma certi cum’è Alta Frequenza o Corse Net Infos facenu di più piazza à a lingua corsa.
Nantu à u media 100% numericu CNI, tutti i ghjorni dapoi più d'un mese Ghjaseppu Poggioli publicheghja u so ghjurnalettu, una video di qualchì minuta sottutitulata.
U Ghjurnalettu di CNI https://t.co/Spu5wJ947o pic.twitter.com/Z4jkBLBUTC
— Corse Net Infos (@corsenetinfos) 26 juin 2018
« Ci semu dittu chì Brut., Konbini sò cosi chì viaghjanu ind’è u mondu sanu, perchè in Corsica ùn seria micca un prugramma chì rispondi à sta dumanda » spiega u ghjurnalista di CNI.
E l'arnesi chì viaghjanu u più sò e rete suciale. Facebook soprattuttu – chì s’hè messu ancu ellu à a lingua corsa - per purtà à cunnosce ste pruduzzione di manera larga.
Insignà o infurmà
Infurmà ma dinù insignà, nantu à internet a lingua corsa campa dinù per via di l’amparera .
Qualchì mesi fà Brandon Andreani hà avutu l'idea di prupone una manera d’amparà a scrittura corsa nant'à e rete suciale.
Sò avà più di 1500 à seguitalu nant'à twitter, u segnu chì a dumanda cresce cum’è ind’è a scola d’amparera Praticalingua, in Bastia.
Noi, Nodi è Novi
— Brandon G. Andreani (@BrandonAndreani) 26 juin 2018
- Noi (No) = Nous.
- Nodi = Noeuds.
- Novi = Neufs, nouveaux. Sò novi novi!
- Novi (Nove) = 9.https://t.co/PMJOkDAzpH pic.twitter.com/7fsFoVpXsx
Quist'annu l'iniziative numeriche si sò multiplicate, cum'è a rivista Tempi o ancu una applicazione di scuperta di l'agricultura corsa.
Ma l'innuvazione in lingua corsa pare sempre troppu debbule per tuccà e nove generazione è assicurà a tramandera è a salvezza di sta lingua.
A strada ferma sempre da fà...
