Le thème des retraites inspirent les écrivains, comme Pascal Hervio et... les manifestants opposés à la réforme du gouvernement. Awennet vez ar skrivagnerien, evel Pascal Hervio, gant tem ar retredoù... awennet e vez ivez ar vanifestanted a-enep ar reform gantañ.
Son ar gastellodenn
Tost da 300 Brestiz zo deuet dec'h fin an abardaez da seniñ gant o c'hastellodennoù dirak an ti-kêr. Bep lun da noz o deus emgav enebourien reform ar retredoù dirak tiez-kêr ar vro. Un doare ijinus da genderc'hel gant ar stourm kommañset ouzhpenn tri miz 'zo bremañ.
Danevell priziet
Bep bloaz e vez primet un istor diembann gant Ti ar Vro Kemper. Gant "Erc'h", danevell diwezhañ Pascal Hervio, eo aet ar maout bloaz-mañ. Awennet gant tabut sokial ar mare en deus skrivet un istor berr hag efedus. Da lenn e vo a-benn nebeut 'barzh Al Liamm.
