S'hè spentu u prefettu Jean Riolacci, à l'età d'ottenta sett'anni, in Parigi. Serà interratu stu mercuri in Vallecalle, paisolu di u Nebbiu è locu di nascita di a so moglie induv'elli passavanu a stadina.
E so funzione di prefettu di rughjone in Aiacciu principianu à tempu di l'evenimenti d'Aleria, d'agostu di u mille nove centu settenta cinque : Edmond Simeoni, capu di l'ARC, Azzione Rughjunalista Corsa, accampa incù militenti in arme, u palmentu di Pierre Depeille, originariu d'Argentina.Ghjuntu inde l'isula una decina d'anni fà per splutà vigne in piaghja orientale.
L'affare girà prestu in viulenza : dui CRS morti è un'militente di l'ARC ferritu. A numinazione di Jean Riolacci cascà dunque indè st'embiu di rivindiche è di cunteste.
Una storia torbita dinù...
Primu prefettu d'orìgine corsa, cerviunincu di nàscita, era di nanzu cunsiglieru per l'affari corsi sott'à a presidenza di Valery Giscrad d'Estaing è u primu ministru Jacques Chirac. Un'mese dop'à a so numinazione, è per risposta à un'giurnalistu chì li dumandava s'ell'un avìa micca paura di baruffe viste e minaccie di l'autonomisti, avìa rispostu ch'ellu facìa cunfienza à i so cumpatriotti.Durante a so mandatura, da settenta cinque à settenta sette, Jean Riolacci ghjè u prefettu di a bi-dipertimentalisazione è di a cuntinuità territuriale. A listessu tempu, hà da impettà'ssi incù a crescita di a viulenza incù u FLNC, Fronte di Liberazione di a Corsica, natu di settenta sei è quella di FRANCIA, in lea cù u SAC, Service d'Action Civique, incù u scopu di lotta contr'à u terrorìsimu in Corsica è più perticularmente per stirppà à u FLNC.
Indè l'anni settent'ottu, dop'à a so missione in Corsica, Jean Riolacci hè incaricatu di missione à l'Elysée. Ghjè dopu numinatu cunsigliere di Statu .
Era Prefettu onorariu è Cummandore di a Legione d'onore.
