Dopu à u scempiu di l’elezzione presidenziale, a dritta si cerca un’andatura à u liveddu naziunale. Hè ancu di più u casu in Corsica incù u sustegnu appughjatu di Edouard Philippe è Horizons pà Laurent Marcangeli o ancu puru Valérie Bozzi, mentre chì Les Républicains si trovanu indibuliti.

Eranu tutti adduniti daretu à Valérie Pécresse pà l’elezzione presidenziale, ùn hè mancu appena più u casu, trà queddi chì volenu raghjunghje a maghjurità presidenziale, è queddi ch’ùn volenu. A situazione pare esse a listessa in Corsica, sopratuttu à Pumonte.

In u primu circondu di Pumonte, Laurent Marcangeli ùn hè ancu candidatu. U merre d’Aiacciu si pudaria prisintà à e legislative sottu à l’investitura Horizons, u partitu d’Edouard Philippe. Laurent Marcangeli, un tempu diputatu, chì avia d’altronde lasciatu a presidenzia di a CAPA à Jean-Jacques Ferrara, prima di ripiglialla, pudaria esse u presidente di u gruppu Horizons à l’Assemblea Naziunale, s’eddu vene à esse elettu. « Je vais œuvrer à la place qui sera la mienne, et je la déterminerai dans les jours qui viennent. » palisendu u so sustegnu à Emmanuel Macron.

Di pettu à eddu, Jean-Jacques Ferrara. U diputatu surtente, è presidente di a federazione Les Républicains di Pumonte si dicia, a sera di u sicondu ghjiru di a presidenziale, puru prontu à raghjunghje eddu dinò i ranchi di l’anzianu primu ministru, palisendu “Je serai du côté du maire, j’allais dire définitivement, ça me paraît un peu excessif, mais je le suis depuis tellement longtemps, depuis 2008 ». Ma tandu, ùn si sapia ancu e veleità di candidatura di Laurent Marcangeli. Allora chì avvene pà Jean-Jacques Ferrara ? Mantinarà à so candidatura o micca s’eddu vene à prisintassi u s’amicu ? Sustegnu o nò pà cambià versu è andà ver’di Edouard Philippe, ùn si sà ancu chì l’omu ùn hà micca vulsutu fà cummenti sta mane.

In u sicondu circondu di Pumonte, quì a candidatura Horizons hè sicura. Hè quedda di Valérie Bozzi, a merre di Grussetu-Prugna. Suviteghja dunque u muvimentu chì l’avia vista raghjunghje à Laurent Marcangeli à l’ultime elezzione tarrituriale. Un tempu suppleente di Camille de Rocca Serra, Valérie Bozzi si truvarà dunque contr’à eddu. L’anzianu Presidente di l’Assemblea di Corsica è merre di Portivechju, s’hè dichjaratu candidatu. Queddu chì fù diputatu sin’à u 2017, hà decisu di raprisintà una dritta più tradiziunale, ch’ùn sustinarà micca à Emmanuel Macron : “je pense avoir une autorité et en même temps un savoir-faire, et ça dépasse largement Horizons, La République En Marche ou Les Républicains, c’est une autre histoire qui est à construire ».

Ma a situazione s’hè tesa trà Emmanuel Macron è Edouard Philippe à u liveddu naziunale. E pretenzione di u merre di u Havre passanu male ind’è u Presidente di a Republica. Cusì, a battaglia di l’investiture sarà dura, è ancu in Corsica. Chì si passarà s’eddu si prsidenta Jean-Charles Orsucci, sustegnu fidu d’Emmanuel Macron contr’à Valérie Bozzi, candidata di Edouard Philippe ?

À Cismonte, l’affari ùn sò ancu cusì cumplicati. Ind’u primu circondu, François-Xavier Ceccoli, presidente di a federazione Les Républicains di Cismonte, pudaria annunzià a so participazione à l’elezzione. Eddu dinò, ùn tene micca à entre in l’ala dritta di a maghjurità presidenziale, ma vole purtà a voce di a dritta storica. A so candidatura si farà senz’à l’investitura di u so partitu, chì quessu ùn hà ancu decisu a so strattegia à u liveddu naziunale.

À cust’ora, nisunu candidatu di dritta in u sicondu circondu di Pumonte, ma si sà chì Horizons, vularia sustene un candidatu pà i quattru circondi.

L'actualité "Politique" vous intéresse ? Continuez votre exploration et découvrez d'autres thématiques dans notre newsletter quotidienne.
L'actualité "Politique" vous intéresse ? Continuez votre exploration et découvrez d'autres thématiques dans notre newsletter quotidienne.
choisir une région
France Télévisions utilise votre adresse e-mail pour vous envoyer la newsletter de votre région. Vous pouvez vous désabonner à tout moment via le lien en bas de ces newsletters. Notre politique de confidentialité