Cù Pè sti lochi sta settimana giremu u Capicorsu.
SANTA SEVERA
Pè Sti lochi ci porta à a punta capicursina, annant'à a so costa urientale, induve simu andati à truvà abitanti è eletti da parlà d'alloghju. E prublematiche ci sò numerose...
MACINAGHJU
Simu ind'u portu di Macinaghju, u terzu portu di piacere di Corsica... da scopre un cantiere navale, induve travaglianu babb'è figliolu di a famiglia Ringioni.
LURI
Pè sti lochi ci porta in Luri, induve avemu da scopre un locu magicu : A bibbiuteca di l'associu Libri è voi, stallata in a cunfraternità di u paisolu di A Piazza. Un locu induve si ritrovanu i lettori di tutte l'età. E i zitelli di u rughjone amparanu à disegnà.
RUGLIANU
Avemu seguitatu i spinghjifochi di u GRIMA sott'à a torre d'Agnellu, in Ruglianu. I specialisti di u succorsu acquaticu facianu u so eserciziu settimanale... À u prugramma, azzione è paisaghji meravigliosi.
MERIA
D'inguernu, ci campanu menu di centu personne. Frà e quale i sposi Marchini, ortulani, chì pruducenu tuttu l'annu in agricultura biologica. Sicchia, ventu, alluntanamentu, viderete chì e so sfide sò maiò.
