Les victimes d'abus sexuels par l'un des frères de la congrégation des frères de Saint-Gabriel ont été reçues par le Pape. Gellet o deus gouzañverien breur Gabriel Girard bezañ selaouet gant ar Pab er Vatikan.
Dec'h abardaez, a-benn ar fin, en deus gellet ar strollad Bretoned bet gwallgaset gant frered er bloavezhioù 60 ha 70 bezañ resevet gant ar Pab. Frommet int bet holl : touch anezhañ, bezañ selaouet gantañ zo ur bern 'vito. N'em zigarezet eo ar Pab e anv an iliz. Komzoù hag a zigoll an dud mañ hag o deus gouzañvet forzh pegement. Kerzh ar minitinvezh oa bet resevet ar strollad gant komision an Iliz katolik e karg eus gwareziñ ar vinored. War-raok ez a an traoù emezo.
Sean Scully hag e daolennoù e Brest
D'al livour iwerzhonad Sean Scully e vez gouestlet un diskouezadeg e Passerelle e Brest. Sean Scully, ur beajour awenet gant meur a vro er bed, hag a liv e fromoù dre vandennoù liv disheñvel, hervez ar seiz avel. From an arzour gloazet gant ar feulster : hini al lazhadegoù er skolioù er Stadoù Unanet. Kalz laouenoc'h avat eo an taolennoù gouestlet d'e vab war an aod : livioù disoursi ur vugaleaj peurbadel. Diskouezadeg Sean Scully a c'heller gwelet e Passerelle e Brest betek kreiz miz genver.
