L'édition en langue bretonne est entièrement consacrée à la première manche du championnat des bagadoù de 1ère catégorie, de retour après trois années perturbées par le covid. Nous étions à Saint-Brieuc dimanche 19 février. Goude meur a vloavezh hep kenstrivadegoù klok e krog en-dro bagadoù ar rummad kentañ da seniñ evit klask bezañ kampion Breizh. Bigouterien Kab Kaval zo bet trec'h e Sant-Brieg, gwelet vo ma talc'hont gant o hent en Oriant e miz Eost.
E 2020 e oa bet dalc'het ar rann kentañ met nullet an eil. Bloaz goude ne oa bet netra ha warlene o doa bagadoù ar rummad kentañ sonet en Oriant nemetken, e miz Eost. Poent bras e oa neuze evit an holl adstagañ ganti evit gouzout piv a vo kampion Breizh ar strolladoù sonerien.
E Sant-Brieg, rak labourioù bras a zo c'hoazh e Quartz Brest, o deus neuze ar 16 bagad graet o seizh gwellañ evit plijout d'ar juri, war heuliadoù eus Kerne-Izel.
Deuet eo brav gant kalz diouto met daou vagad a chom e penn ar jeu, evel a-raok an enkadenn yec'hedel: bigouterien Kab Kaval, ha sonerien Bagad Kemper.
Emgav en Oriant e miz Eost
Strizh tre eo bet an disoc'hoù evit an daou strollad kentañ neuze eo start gouzout piv a vo kampion ar bloaz-mañ. Ar gemperiz, trec'h en Oriant warlene, a glasko adpakañ an dale evit gounit an titl en-dro.
Klikit amañ evit adsellet hag adselaou an holl strolladoù.
Notennoù ha renkamant al lodenn gentañ :
- Bagad Cap Caval : 17,35 pts
- Bagad Kemper: 17,29 pts
- Bagad Ronsed Mor : 16,65 pts
- Bagad Ar Meilhoù Glaz (Moulin Vert) :16,63 pts
- Bagad Kerlenn Pondi : 16,53 pts
- Bagad Brieg : 16,01 pts
- Bagad Melinerion : 15,89 pts
- Bagad Kevrenn Alre : 15,31 pts
- Bagad Saozon-Sevigneg: 15,13 pts
- Bagad Bro Konk Kerne : 14,89 pts
- Bagad Sonerien an Oriant : 14,86 pts
- Bro Kemperle : 14,48 pts
- Sonerien Bro Dreger : 13,82 pts
- Bagad Penhars : 13,09 pts
- Bagad Plougastell : 12,62 pts
- Bagad Beuzec-Ar-C’hab : 12,41 pts
