En em voded eo seizh ezel bodad-barn ar Prizioù ar mintin-mañ. Dibabet o deus tri loread e pep-hini eus ar seizh rann a vo priziet e Lannarstêr d’ar Merc’her 23 a viz Meurzh.
Prizioù dazont ar brezhoneg a ro ton d’an oberennoù c’hwekañ savet warlene e brezhoneg. Sevenadur, ekonomiezh, kevredigezh, diskouez a ra ar rannoù disheñvel priziet pinvidigezh ha lieseurted hor bro.
Ar mintin-mañ e oa boded ar juri evit dibab tri loread e pep hini eus ar seizh rann priziet gant ar Prizioù. Al lid a vo dalc’het e Lannarstêr, sal ar Quai 9, d’ar Merc’her 23 a viz Meurzh. Setu al loreidi amañ-dindan :
Strollegezh
- Mor-Bihan Gwened tolpad kêrioù, evit brasaat plas ar brezhoneg er vuhez foran.
- SDIS 29, evit bezañ savet fichennoù diwar-benn al lec’hanvadurezh e brezhoneg.
- Ti embann ar skolioù (TES), evit bezañ bet troet arload « Kiou » e brezhoneg.
Kevredigezh
- Splann ! Ar gevredigezh gentañ gouestlet d’ar c’hazetenniñ-enklask e Breizh.
- Stumdi ha Ti ar Vro Gwengamp, evit ar stummadur a ginnigont war micherioù ar radio hag al liesvedia..
- Ti ar Vro Landerne-Daoulaz, evit bezañ savet ur greizenn-dudi e brezhoneg.
Embregerezh
- Bagadini : roet ul lodenn eus an arc’hant da Diwan Breizh.
- Miltamm, evit reiñ an tu da vezañ stummet e brezhoneg war micherioù ar vugaligoù.
- Treebal : ur Whatsapp e brezhoneg.
Lennegezh
- E seizh avel ar bed, Fañch Peru, Skol Vreizh.
- Mehdi divroad, Goulc’han Kervella, Skrid.
- Morlenn, Jorj Abherve-Gwegen, An Alarc’h Embannadurioù.
Kleweled
- Dañsal dindan ar glav, Goulwena an Henaff.
- Fin ar Bed koulzad 2, Nicolas Le Borgne.
- Noz, Soazig Daniellou.
Sonerezh
- Youn Kamm, Treizh, L'Usinerie Production.
- Emezi (Perynn Bleunven hag Elise Desbordes).
- Denez, Stur an avel, Coop Breizh Musik.
Brezhoneger pe brezhonegerez ar bloaz
- Tifenn Merien ha Brendan Guillouzic-Gouret a zo deuet a-benn da gaout ul levrig-familh divyezhek digant ti-kêr Naoned.
- Morgan Gilet evit bezañ savet an arload « Kwizh Brezhoneg ».
- Bleuñvenn Konan, evit bezañ savet baleadennoù e brezhoneg.
Er bodad-barn e kaver Maryvonne Berthou, Tanguy Solliec, Tara Adeux, Koulman Mathieu, Stéphanie Coquillon, Nikolaz Gourvennec ha Jeanne Bocquenet-Carle.
Kenaozet eo ar Prizioù gant France 3 Breizh hag Ofis Publik ar Brezhoneg.
