Dopu à cuncerti in Sardegna, in Madrid è in Grenade, u gruppu l'Attrachju face u so giru di Corsica. 16 anni dopu à a so nascita hè sempre un cumbattu di dà fiatu à u gruppu... Ritrattu.
Sò sculari, in furmazione ò travaddanu mà quandu coddanu nant’à a scena tutti vestiti di neru iss’ondeci omi ùn sò piu che cantatori ò musicanti.
Dopu à sedici anni d’esistenza ci sò sempre difficultà
Difficultà finanziari suppr’à tuttu. Arrigistrà un dischettu hà un costu impurtante.
Per l’ultimu chi duvveria esce l’annu prossimu anu divutu ritardà l’arrigistramentu.
Di più pà i rapprisentazione c’hè bisognu di sunurisazione è u costu hè pisivu.
Limita dunque a so prisenza nant’à i sceni corsi.
Mà incù u so situ è i reti suciali si ponu fà cunosce fora di Corsica. Custì anu avutu l’opportunità di fà cuncerti in Nuoro (Sardegna) è ancu in Madrid è Grenade pà u « 63 imu festivale internaziunale di ballu è musiche ».
Unu gruppru, trè dischetti è un premiu
U primu dischettu isciutu in lu 1999 hè un mischju trà canti sacrati è prufani.
U sicondu « Passi di vita » hè cumpostu di i so primi cumposizione uriginali.
Per u terzu « di radiche spannate » anu fattu a scelta di fassi accumpagnà di musicanti pà mette i so canzoni in valore.
Per u so travaddu ancu s’ellu ùn c’hè micca a vumuntà di diventà prufessiunali anu ottenutu in lu 2012 u primu premiu di u « 16 imu cuncorsu naziunale di pulifunia ».
Una passione nata da l’amicizia à l’attrachjata
Vultendusi versu à so cultura corsa anu sceltu u so nomu : l’Attrachju.
« Era à stu mumentu quì di a ghjurnata chì donne è omi si ritruvavanu dopu a u travagliu in giru à u fucone per passa stonde inseme, chjachjarendu, cantendu ».
Di più hè à stu mumentu qui chi si passanu quasi tutti l’evvenimenti culturali…
