Tempurali è urbanisazione : a tupunimia per privene

Dapoi qualch’anni avà I tempurali toccanu à spessu a Corsica. In cità carughji sani diventanu fiumi, cantine è parking lavi prufondi. In certi lochi à tupunimia ci rementa ciò chì ci hè sottu à ste cità nove.
In certi lochi à tupunimia ci rementa ciò chì ci hè sottu à ste cità nove.
In certi lochi à tupunimia ci rementa ciò chì ci hè sottu à ste cità nove. © DR

In Corsica sò parechji i nomi di lochi dati in funzione di a geugrafia ò di a natura. Si trovanu cusi lochi chjamati e Calanche (in Piana o in Corti), U Pianu cum’è una cumuna di Castagniccia, è bella sicura ci sò e parolle chì sò menu dirette ma chì si rapportanu à un vucabulariu chì và in giru à l’acqua cum’è u Fangu è u Guadellu in Bastia, o E Canne è I Salini in Aiacciu

E Canne è i Salini nanzu d’esse dui carughji impurtanti d’Aiacciu eranu lochi umidi assai induve l’acqua venuta dà à muntagna si ghjitava ind’è u mare passendu per un puzzacciu.

E Canne, chì si ponu traduce ,« les roseaux » in francese dipinghjenu un locu induve nasce sta pianta, vale à dì un locu induve l’acqua appozza assai cum’è in bor’di fiume ò nentru una padula (d’altronde nome di un liceu Aiaccinu).

 

Le réseau hydrographique de la ville d'Ajaccio.
Le réseau hydrographique de la ville d'Ajaccio. © Capture d'écran

 

Jean Chiorboli autore di u libru « la Corse des noms de lieux » hà trovu più d’una decina di lochi chjamati cusì : «  si pò truvà u ghjargalu di e canne nant’a cummuna di Galeria, ma dinù in Soriu ò in Livia ».

E Saline, elle, so un locu induve chì prima si faccia u sale per tuttu u rughjone, l’acque di u mare è a terra si scuntravanu custì. Per u specialistu corsu di a tupunimia : « Ci hè assai nomi ind’è noi chì si rapportanu à u sale, si parla spessu di lochi miseri induve a terra hè assai salita , o surgente salite. A Salina vole dì « marais salants » in francese »

Per l’universitariu a storia d’Aiacciu è di i Salini sò in leia dapoi seculi : « Si sà chì à u XVesimu seculu i Genuvesi anu decisu di custruì Aiacciu à un altru locu perchè chì u primu era troppu vicinu da u stagnu di i Salini è ci si campava male. »

 

Sparte e cuniscenze tra Cercatori è custruttori

Per specialisti di a tupunimia Cum’è Francescu-Maria Luneschi sti nomi lochi ùn vanu mai soli « i tuponimi di un tarritoriu sò in leia trà d'elli. Studiendu sta reta si pò capì u spaziu. Par un dettu certi nomi mintuvanu a prisenza di l'acqua »  si puderebbe cusì spiegà s’empiifondi chì di tantu in tantu arruinanu tuttu.

 

 

Per Francescu-Maria Luneschi presidente di l’associu CESIT  chì raccoglie parechji nomi di lochi ind’è a Corsica sana è chì i mette in linea, ci vole chì e ricerche di i tupunimisti ghjuvessinu a tutti, architetti, cabinetti di svillupu territuriali, geugrafi : « Circatori è prufissiunali di u settore, ci tocca à travaglià insemi per pinsà l'assestu di u tarritoriu.»

Di più in più di culletività publiche s’interressanu à a tupunimia in Balagna è in Aiacciu studii sò stati fatti ci vole avà à ghjuvassine per custruì a Corsica di dumane.

 

 

Poursuivre votre lecture sur ces sujets
inondations météo patrimoine culture urbanisme aménagement du territoire environnement