Cum’è ogni annu, u mese di maghju hè tempu di tundera. U scopu hè di caccià a lana di e pecure nanz’à l’affacata di i primi calori. Ma hè ancu una stonda di spartera pè donne, zitelli è pastori di a Corsica sana.
Sò precisi assai i gesti, da fà chì l’animale ùn sia micca feritu.
Cum’è ogni annu à st’epica quì, hè tempu di tundera pè caccià a lana di e pecure nanz’à l’affacata di i primi calori.
Ma nant’à sta splutazione di Linguizzetta, tuttu hè fattu à l’usu anticu, cù i mani è i forbici.
Ottu centu pecure
À u tutale, ottu centu pecure sò state tose in cinqu’ore, trà sett’ore di mane è meziornu.
Donne, zitelli è pastori di a Corsica sana : à chì chjapp’à e pecure, à chì tonde : in tuttu, sò più d’una centinaia à esse si adduniti quì sta mane, ghjè u casu d’issu pastore orezzincu venutu à posta cù u so babbu.
U fattu di fà la à l’usu anticu a tundera, ghjè una scelta fatta da i pastori ch’urganizavanu oghje.
Tradizione
Per elli, hè megliu di mantene à a tradizione di a tundera à a manu senza mascina, è di favurizà a trasmissione trà pastori è trà generazione.
Cum’è ogni tundera, a maitinata di travagliu s’hè compia ingir’à un bichjeru è à un pranzu spartutu cun i participanti.
Tutti si sò dopu dati appuntamentu annu chì vene listessu locu listessu ghjornu, per u listessu travagliu.
U riportu di J.-A. Marchiani è T. Urtizverea :
