Des chercheurs de Roscoff vont participer à un projet national du CNRS : étudier la biodiversité marine au niveau génétique. Et Arzon accueille les amateurs de musique et de danse irlandaises jusqu'à dimanche. / Klaskerien kreizenn biologel Rosko a gemero perzh en un enklask war ADN ar spesadoù-mor ha sonerezh iwerzhonat a glever betek disul e Arzhon-Rewiz.
Miliadoù a spesadoù bezhin ha loened-mor a zo bet studiet dija gant ar skiantourien. Hogen, anavezet e vefe ganto 10% hepken eus bevliesseurted hon aodoù hag hor morioù, rak difoc'hioù bihan a vez etre loened a seblant bezañ er memes spesad pa seller outo, zoken gant ar mikroskop. Evit mont pelloc'h e ranker bremañ studiañ genom al loened. Setu ar pezh a vo graet gant skiantourien Frañs a-bezh, war intrudu ar greizenn vroadel a glaskerezh skiantel (CNRS) hag aotrouniezh Frañs an energiezh atomek (CEA). Kregiñ a raio an enklask e miz Meurzh evit 8 bloaz da vihanañ ha meur a skiantour eus kreizenn biologel Rosko a gemero perzh.
Iwerzhon... en Arzhon
Etre an 22 hag ar 26 a viz C'hwevrer e vez aozet e Arzhon-Rewiz ar Brittany winter school : ur gouel en dro d'ar sonerezh ha d'an dañs iwerzhonat, hag a sach sonerien eus bro c'hall a-bezh. Kenderc'hel a ra ar gouel iwerzhonat a-hed an dibenn-sizhun, gant sonadegoù, prantadoù seniñ a-stroll en ostalerioù hag ur Ceili bras, fest-deiz an iwerzhoniz, disul d'abardaez.
