U presidente di a Republica, François Hollande, Ghjovi matina, scalerà in Corsica. Un viaghju solu in cinqu’anni di presidenza, era per in settant’anni di a liberazione di a Corsica in 2013. Una visita aspettata incù impazienza per certi e per d'altri una visita di poca primura.
Serà un mumentu unicu. Un presidente di à Republica serà accoltu da naziunalisti à u putere à l’assemblea di à Corsica. Per u presidente di l’esecutivu, hè ora di "girà a pagine di i cunflitti è di fà entre a Corsica ind’è u XXIesimu seculu". Secondu à Gilles Simeoni, à u Presidente di a Republica li tuccherà à fà annunzii nant’ ciò ch’ella serà dumane à Corsica è i mezi ch’ellu derà u statu à a Culletività Unica.
Longu à a u so mandatu François Hollande "hà fattu assai per a Corsica" hè u puntu di vista d’Emmanuelle De Gentile Prima secretaria di u Partitu Sucialistu di Cismonte. Trà u PEI (Pianu Economicu d’Investimenti), l’aiuti per l’osptali, a lingua e à Culletività Unica per ella l’atti so quì "ben chì i so fatti so firmati senza publicità è chì per disgrazia u presidente un sia vinutu nanzu".
Ind’è u campu di i pusitivi u presidente di u Cunsigliu Dipartimentale di u Cismonte, François Orlandi hè surpresu di stu viaghju. A 60 ghjorni di a fine di u so mandatu presidenziale pensa chì sta visita porterà incù n’ella annunzii maiò. Per ellu e so dumande purteranu nant’à l’aiuti prumessi sopra tuttu, à livellu suciale, economicu è per a Culletività Unica . Senza scurdassi di e strade è i danni di i tempurali di u mese di Nuvembre è di Dicembre.
I Cummunisti è a dritta assai pessimi
Sempre à manca, ma di più in là, u partitu cummunistu si dumanda ciò ch’ellu vene à fà stu presidente "elettu sucialistu chì face a pulitica di a dritta una volta a u putere". Per Michel Stefani, primu secretariu di u partitu, "Hollande ùn ferà micca a revoluzione !"Per l’atti suciali i cummunisti anu vistu di più regressione ch’avanzate a u livellu di a Corsica cum’e a fine di a SNCM è a culletività unica. Altru fattu chì stona à Michel Stefani, U presidente di a republica venerà à l’assemblea è senterà solu ch’e i dui presidenti. Per i cumunisti ogni gruppu deve fà sente u so parè à Francois Hollande.
Frà i pulitichi chì aspettanu poc’affari di sta visita, Stephanie Grimaldi. A presidente dipartimentale di Les Republicains di u Cismonte pensa chì, "François Hollande un po più annuzià nunda, u capistatu scambia da quì à dui mesi".
Per ella "A leia ch’ellu avia Sarkozy incu à Corsica un hè micca listessa à quella ch’ellu hà Hollande". A merressa di A Porta, a dice, u Presidente di a Republica hà fattu troppu à a lesta per ciò chì tocca à a Culletività Unica "s’ellu hè François Fillon chì piglia u pudere dumanderemu à allungà à transizione di manera à priparala di più".
Dopu à François Hollande d’altre persunalità pulitiche scaleranu in Corsica. I Candidati à e presidenziale affacheranu giru à giru. U tempu di quallchi mese a Corsica serà à u centru di a campagna.
