Sò trè ghjorni oghje chì duie bastiacce correnu per a sulidarità à u Senegal. Scrite a e « Senegazelle », Santa Costantini è Severine Paris participeghjanu à sta corsa à pedi chì permette di purtà materiali per i sculari di quallà.
Ste passiunate di corsa à pedi, travaglianu tutte duie à u liceu Jeanne d’Arc in Bastia, a prima hè Cunseilgiere principale d’educazione è l’altra prufessore di francese. Dapoi parechji mesi avà anu priparatu stu viaghju è sta participazione.
A livellu finanziariu sò più di 4000 euri chì tuccavanu à truvà. Per e cundizione fisiche anu multiplicatu e participazione à i trail dapertuttu ind’è l’isula.
/regions/2020/06/09/5edf25921edd3_16602631_1359972207403132_9018341379261283733_n-2913773.jpg)
Erimane currianu a prima tappa tra Simal è Samba Dialo, una corsa di 10.250 km fatta in un'ora, 18 minute è 13 seconde per Severine chì ghjunghje à a 29esima piazza è un'ora 25 minute è 55 seconde per Santa chì spunta à a 39esima piazza nant’ 52 participanti.
Longu à 5 ghjorni e duie « trailleuses » anu da corre trà 8 e 12 chilometri à ghjornu. Riservatu solu à e « gazelle » sta prova sportiva feminile permette di purtà in ogni paese traversatu materiale per i zittelli.
Pene, mine, foglii e altri furnimenti sinn’à 23 chilò per ogni participante sò racolti nanzu à a pertenza. Un bellu mudellu di fraternità d’aiutu internaziunale.
