U Rusignolu di Ziglia : una vita in canzone è puesia

Roccu Mambrini / © France 3 Corse ViaStella
Roccu Mambrini / © France 3 Corse ViaStella

U chjami è rispondi : ghjè l’arte di i pueti impruvisatori. Un eserciziu dificciule… Ci vole à discorre : mischiendu versu, rima è cantu ! In Balagna, u maestru si chjama Roccu Mambrini. Ritrattu d’u Rusignolu di Ziglia.

Par Maïa Graziani

"Canta bè è ùn cappia mai." Eccu e duie forze di Roccu Mambrini, dettu "U Rusignolu di Ziglia", da sente à l’appassiunati di Chjam’è rispondi. Di maghju, Roccu Mambrini cumpierà i so novant’anni. Una vita in canzone, da u Montegrossu sin’à Cuntinente. U so versu hè famosu è ancu s’ella s’addebulisce, a voce hè sempre quì.
 
► U sughjettu in corsu
Reportage Rusignolu


U sughjettu in francese
Reportage Rossignol

Ind’u 1983, Roccu Mambrini hè statu fattu "Chevalier des arts et des lettres" da Jack Lang, u ministru di a Cultura. Si n’arricorda cun malizia.

Bonus Médaille
Ci sò l’impruvisate scherzose, e lode à l’amichi o e puesie chì contanu l’amore di u so paese. Ma di tantu in tantu, e rime d’u Rusignolu contanu guai. S’arricorda di sta puesia, scritta d’aprile 1998 per Maria Agnulella Innucenza, una criatura trova morta ind’a Bocca di Salvi.

Roccu Mambrini ind'u so cummerciu di Ziglia / © Archivii persunali
Roccu Mambrini ind'u so cummerciu di Ziglia / © Archivii persunali
Roccu Mambrini ùn s’hè mai maritatu, ma hà purtatu u serinatu.
Bonus Rossignol en français
Sò state publicate certe puesie d’u Rusignolu ind’i so libri "A mo vita" (ed. A fior di carta, 2009) è "Cantu cum’è l’acelli" (ed. Cismonte è Pumonti, 2012).
 
 

Sur le même sujet

Les + Lus