Dans l'édition en breton, on suit une sortie de l'association Roud Avel avec des résidents d'Ehpad et on visite des expositions brestoises. Ur bourmenadenn gant tud en oad ha gweladennoù e diskouezadegoù arzel a zo hiziv er c'heleier.
Nevez krouet eo bet Roud Avel evit kinnig pourmenadennoù d'an dud a vev e tiez ar re gozh e Penn-ar-Bed. Ar gevredigezh a glask aozañ ur wech ar miz ur pred en ostaleri, ur valeadenn pe c'hoazh ur weladenn bennak evit cheñch un tammig diouzh boazioù an Ehpad. Tri ugent diouto a zo bet kaset betek Lambaol-Plouarzel nevez 'zo ha debret o deus ur pred lipous en ur preti a-raok mont da bourmen war vord ar mor.
Diskouezadegoù liesstumm e Brest
An diskouezadeg diwar-benn an arzour straed Banksy a ra berzh bras e Brest. Met lec'hioù sevenadurel-all a zo da zizoloiñ e kêr ar c'huzh-heol. Er greizenn arzel Passerelle, gouestlet d'an arz a-vremañ, e c'heller gwelet teir ziskouezadeg disheñvel mat, a-hed an hañv. Oberennoù arzourien bet anvet evit ar priz Marcel Duchamp ha poltriji eus enezenn Mayotte a vez diskouezet da skouer.
