Des équipes SNSM qui cherchent de nouvelles recrues et l'histoire du chocolat dans une exposition, c'est le programme de votre édition en breton. En Taol Lagad hiziv e weler e klasker tud e akipajoù SNSM ar vro ha kontet e vez istor ar chokolad e mediaoueg Langoned.
Daou vageer nevez a zo e akipaj saveteerien war vo Douarnenez. Ur munuzer hag un adklañvdiourez a zo deuet nevez 'zo da lakaat o anv. Ur sikour degemeret mat rak war goshaat ez a an dud a-youl-vat. Gwechall e oa dreist-holl pesketaerien ha martoloded a-vicher en akipajoù met nebeutoc'h diouto 'zo er porzhioù neuze e ranker sachañ tud eus an diavaez ha stummañ anezho. Disadorn 24 ha disul 25 a viz Even e vo aozet devezhioù broadel ar saveteerien war vor gant darvoudoù liesseurt e Breizh a-bezh.
Eus ar c'hakao d'ar chokolad
Staliet eo bet un diskouezadeg gouestlet d'ar chokolad evit gouel broadel ar brezhoneg a vo aozet etre an 30 a viz Even hag an 2 a viz Gouere e Langoned. Bugale ar c'hlasoù divyezhek tro-war-dro o deus gweladenniñ anezhi un tammig en a-raok, ha deskiñ ur bern traoù diwar benn ar chokolad hag ar greun kakao a ya da fardañ anezhañ.
