Un troupeau de chèvres envahissant à Ouessant et un livre qui s'intéresse aux personnes qui quittent leur pays et arrivent en France : c'est le programme de votre édition en breton aujourd'hui. El levr "Des vies orageuses" e vez komzet eus buhez an dud divroet pa erruont e Frañs. Riwana Baudu he deus kenlabouret da skrivañ al levr-se, nevez embannet.
Poent eo kavout un diskoulm e Eusa, enezenn an deñved, aloubet gant un tropellad givri. Dek vloaz bennak a zo e vefe bet dilezet un nebeut anevaled gant o ferc'henn. Kresket eo o niver ha rambreal a reont en enezenn, o tistrujañ mogerioù ha liorzhoù. Emañ an ti-kêr o klask renkañ ar gudenn gant ar perc'henn orin. Tapet e vefe al loened ha kaset d'an douar-bras, en un atant.
Cheñch sell an dud war an divroidi
Petra eo ar vuhez en arlu, penaos derc'hel da vont p'en deus unan bennak ranket kuitaat e vro ha mont pell. Dre al levr "Des vies orageuses" e tizoloer buhez an dud divroet pa erruont e bro Frañs. Savet eo bet ar romant diwar istorioù meur a arluad ha div vedisinez a laboure en ur greizenn yec'hed a zegemer an dud pa tegouezhont er vro. Sinet eo bet an oberenn gant Mathilde Gal hag ar strollad Tcholeiy hag a vez o kinnig anezhi e Penn-ar-Bed en devezhioù-mañ.
