La commune de Plouguerneau espère rapidement trouver un remplacement pour un de ses trois médecins récemment décédé. Le Civam 29, association de valorisation de l'agriculture et du milieu rural, tente de faire face à la perte d'une subvention départementale. E Plougerne e c'hortozer ur medisin evit kemer plas an hini a oa marvet warlene ha klask a ra Civam Penn-ar-Bed yalc'hadoù evit kenderc'hel e labour da sikour al labourerien-douar.
Kalz kumunioù, war ar maez dreist-holl, o deus diaesterioù da sachañ medisined hollegour war o ziriad. E Plougerne eo aet ur mezeg da anaon a-daol-trumm e fin ar bloavezh 2022 hag abaoe e vez diaes an traoù evit ar 1000 bennak a glañvidi a veze heuliet gantañ. Ur medisin erlerc'hier a oa betek ar sizhun dremenet met bremañ e ranker klask unan-all. Poent bras eo rak kreskiñ a ra ar boblañs ha tostaat a ra an hañv gant kantadoù a dud ouzhpenn o tont da douristañ war aodoù bro Bagan.
Sikour d'ar beizanted
Leizh a beizanted a zo bet sikouret gant ar CIVAM 29, ur gevredigezh a labour evit ul labour-douar doujus ouzh an dud hag ouzh an douar. Met diaes eo bet lakaet warlene p'eo bet kollet ur yalc'had 30000 euro a veze roet bep bloaz evit ar mont-en-dro gant Kuzul departamant Penn-ar-Bed. Diaesoc'h eo da skouer ac'hantaouiñ ar stummadurioù kinniget d'al labourerien-douar.
