De nombreuses organisations apportent leur soutien à la journaliste de Radio Kreiz Breizh Morgan Large, dont la voiture a été sabotée une deuxième fois. A-raok kaozeal eus Prizioù dazont ar brezhoneg emañ an Taol Lagad e Gwengamp, gant an aozadurioù a embann o skoazell d'ar gazetennerez Morgane Large. Adkavet he deus rod he oto diviñset adarre.
Rod he oto diviñset, evel ma oa bet dija daou vloaz zo. Setu ar pezh a zo c'hoarvezet gant ar gelaouennerez Morgan Large e fin ar sizhun dremenet. E 2021 e oa bet graet an taol fall-se just goude ma vefe bet klevet kazetennerez Radio Kreiz Breizh en un teulfilm diwar-benn al labour-douar e Breizh. Ne oa ket bet kavet piv oa kablus da heul enklask an archerien. Ur c'hlemm a zo bet douget ar wech-mañ c'hoazh. Meur a aozadur, kazetennerien, sindikadoù, o deus embannet o skoazell ha lavaret e ranker difenn ar frankiz da gelaouiñ.
Piv vo brezhonegerez ar bloaz
E Roazhon e vo roet Prizioù dazont ar brezhoneg ar bloaz-mañ. 7 priz a vo roet hag an hini diwezhañ a yelo da vrudañ brezhoneger, brezhonegerez pe brezhonegerien ar bloaz. Ar skolaer Jean-Patern Ars, ar skrivagnerez Loeiza an Duigou hag ar strollad sonerezh Alvan hag Ahez a zo bet rakdibabet gant ar juri. Skignet e vo al lid warc'hoazh war hol lec'hienn internet adalek 8 eur hanter ha war France 3 Breizh da hanternoz ha kard.
