Dans An Taol Lagad, nous vous amenons à la ferme, à Kernilis, pour essayer de comprendre comment fonctionnent les méthaniseurs qu'on voit fleurir dans nos campagnes. Perak oa bet staliet ur metanizer e atant ar vreudeur Jestin e 2019 ? Aet eo Arthur Conanec da welet war an dachenn, e Kerniliz.
Ouzhpenn 250 metanizer a zo e atantoù Breizh en devezh a hiziv. E kalz kornioù bro e sav enebiezhioù pa vez anv da sevel unan nevez, abalamour d'ar riskloù ha d'ar mont-ha-dont kamionoù a vefe da heul. Met petra eo resis an ostilh-se ? Aet omp d'ober tro an atant gant Bernez Jestin e Kerniliz. Eno, abaoe 2019, e vez treuzfeurmet teilh ha geot al liorzhoù e gaz a vez devet da broduiñ tredan. Kement-se a c'hoarvez kuzhet dindan div goupolenn vras, lec'h ma vez meret pep tra gant ur robot. Degas a ra arc'hant ouzhpenn d'an atant.
Ar marv en un diskouezadeg e Daoulaz
Tem ar marv hag al lidoù tro dro a zo bet dibabet evit diskouezadeg nevez abati Daoulaz. Relijionoù, kredennoù kozh, a-bep-seurt a zo da zizoloiñ er studiadenn etnologel-se a lak ar weladennerien da veajiñ dre ar bed war un tem a lak pep hini d'en em soñjal.
