An Taol Lagad parle d'autonomie des régions, de restrictions d'eau dans le Nord-Finistère et de la toute nouvelle école de musique associative de Spézet. Emrenerezh a vo roet da enez Korsika hervez Emmanuel Macron. Goulenn a ra Rannvro Breizh ar memes gwirioù. Ha kaozeal a reomp ivez eus ar c'hudennoù dour e Gorre-Leon hag eus skol sonerezh Speied.
"C'hoant hon eus, e Breizh, ar memes galloudoù a vo roet da g/Korsika", en deus lavaret Loig Chesnais-Girard, prezidant ar rannvro, diriaou 28 a viz Gwengolo e Sant-Maloù, e-kerz Kendalc'h ar rannvroioù. Fiziet en deus er c'hentañ ministrez Elisabeth Borne danevell ar strollad labour en deus prederiet e-pad bloaz hanter war an danvez.
Kudennoù dour e bro Plouenan
E diazad doureier an Horn, e hanternoz Penn-ar-Bed, o deus 19 kumun ranket kemer diferadoù da vevennañ implij an dour er c'horn-bro. Difennet eo atav puñsañ dour er stêr Horn rak re saotret eo gant an nitratoù. Ret eo neuze mont da glask e stêrioù bihanoc'h, ha n'eo ket gwall uhel o live er mare-mañ.
Presbital gwechall, skol sonerezh hiziv
Sonerezh a glever bremañ e presbital kozh Speied. Goude daou vloaz a labourioù eo bet digoret ar skol sonerezh Korn Boud en ur savadur nevez flamm. Kinnig a ra kentelioù da dost 200 bugel er c'horn-bro hag ur studio a zo bet savet er savadur ivez.
