L'édition revient, en breton, sur la nouvelle manifestation des défenseurs de l'hôpital de Carhaix, samedi à Quimper. Et nous assistons à une émission de la radio Arvorig FM en direct de Morlaix. Cheu 'zo bet e Kemper gant difennerien ospital Karaez. Ha mont a reomp ivez da v/Montroulez evit gwelet penaos ez a en-dro studio fiñv Arvorig FM.
Tomm eo bet an aergelc'h disadorn 30 a viz Gwengolo, e straedoù Kemper. Deuet e oa difennerien ospital Karaez da c'houlenn, ur wech c'hoazh, e vefe digoret en-dro noz ha deiz servij an Trummadoù. Abaoe penn-kentañ an hañv e ranker pellgomz d'ar 15 evit gellet bezañ hentet war-zu ur servij hervez grevusted ar gudenn. Meur a vanifestadeg a zo bet aozet abaoe an distro-skol evit difenn an ospital hag a oa bet en arvar e 2008 dija.
Radio war an dachenn
A-drugarez da arc'hant ar Redadeg en doa gellet Arvorig FM prenañ ur studio fiñv un nebeut mizioù 'zo. D'ar gwener 29 a viz Gwengolo e oa skipailh ar radio en ostaleri Ty coz, e Montroulez, evit un abadenn war eeun. Gant dek den pedet ouzh ar mikro e oa bet lidet evel-se ar frekañsenn nevez digoret e bro Montroulez. Peadra da vrudañ muioc'h c'hoazh ur media lañset 25 vloaz 'zo bremañ.
