Vittoria di a Francia à u mundiale di Ballò : u parè di a tweetosfera corsa ?

A u scagnu, in carrughju o in caffè, u primu scontru di a squadra di francia hè in bocca à tuttu mondu. Ognunu dice a soia : à chì hè cuntentu, à chì face falà, ancu u ghjurnale Corse-Matin nè face u so tittulu principale. 

Scatinati eranu eri sera i tweettos isulani. Pare chì a squadra di Francia primureghji assai à i corsi ch’ella sia in bè o in male. 

“Et un et deux et trois zero”.Torna Vignale. Ochjata à a vittoria finale di 1998, l’anu ripigliatu parechje volte issu cantu famosu i sustenidori francesi dop’à a vittoria di a so squadra contru à u Honduras. In u stadiu beira rio di Portu Alegre, si sentia a Marseillaise à voce rivolta. E in Corsica cosa si sentia ? Allegria o lamentu ? Si dipende…

Squadra di Francia, squadra ripublicana ?

Nant’à u web s’hè vulsutu aspittà u primu but o ancu puru a fine di u scontru per vede i primi tweet à prò di a squadra di Francia. Dimula franca, eranu pochi à palisà u so sustegnu per issa squadra assai criticata. Soprattuttu in Corsica.  
Ne firmava quantunque, frà i quali, sustenidori di prima trinca. 

ET 1ET 2 ET 3-0 BIMMMM BESTTTT #FRAHON

— 28/09•08/11 ∞ (@llucchini1) 15 Juin 2014

Ma dinù omi pulitichi cum'è François Tatti è Jean Zuccarelli. Anu tramindui salutatu a vittoria di sta squadra, simbulu di a ripublica.

L'équipe de France fait plaisir à voir, très bonne première mi-temps.

— François Tatti (@ftatti) 15 Juin 2014

Scatinati i tweettos, sti dui tweet sò subbitu subbitu stati ripigliati da u contu parodicu di Corse-matin chì si n’hè risu di un pussibile chjam’è rispondi trà dui omi di manca.

Attaqué dans son propre jeu par François Tatti, Jean-Jean tombe dans la surenchère franchouillarde #LoseYourself pic.twitter.com/BF5TH00e7x

— U Gorsmatin (@U_Gorsmatin) 15 Juin 2014

Critiche è magagne à buzeffu !

L’avemu capita, eranu l’anti-squadra di Francia i più prisenti nant’à a rete erisera. E ancu nanzu di ghjucà. U ghjurnale a piazzetta hà surtitu un articulu di e so più belle scunfitte. Dopu, i « bleus » si sò pigliati schjaffi virtuali a serata sana. Eranu scatinati i pistelli di a macagna. Mancu u scoru ùn a s’hè fatta à scuragisceli . 

Ivres, ils gagnent un match et se voient déjà champions du monde.

— 100%Sporting (@100Sporting) 15 Juin 2014

Cibula principale di i web-macagnone, u ghjucadore di marseglia Mathieu Valbuena​

#Valbuena, le seul joueur de #l'edf à jouer en pantalon

— SC Bastia en Ligue1 (@BastiaEnLigue1) 15 Juin 2014

Toujours pas plus haut qu'un drapeau de touche ce bidon de Valbuena ? #FRAHON pic.twitter.com/KaRCzlcUcY

— Capone (@Capone20200) 15 Juin 2014

Pare chjaru l’affare, sò parechji i corsi à esse contru à issa squadra. Ma per quale seranu i corsi allora, à stu mundiale ? Hè a dumanda fatta in un picculu sundame da u ghjurnale So foot, è ripigliata da A piazzetta. S’aspettanu e risposte, soprattuttu s’elle sò di listessu razzinu chì i tweet d’erisera.