Chaque semaine, la rédaction de France 3 Corse ViaStella vous propose de découvrir les régions insulaires et leurs villages avec la page "Per sti lochi". Cette fois-ci, nos journalistes se sont rendus dans la vallée de la Gravona.
Tavera
Principiemu u nostru "Per sti lochi" in a Gravona in u paesi di Tavera induva ci hè una scola elementaria di 33 elevi. Un gruppu sculari incu Bucugnà, ci so duncua zitelli di i dui paesi.
Tavera conta 500 abitanti à l'annata è hà vintu in pupulazioni issi pochi anni, ma a maiò parti di l'attivi travaglianu in u circondu aiaccinu. Facenu a strada.
Auccià
Auccià, un grossu paesi di a Gravona induva campanu 500 parsoni à l'annu, è guasi 1000 d'istati. Travaglii impurtanti di rinnuvazioni di a traversa di u paesi sò in anda, cu miss'à nivellu di reti d'acqua, d'eletticità è telecumunicazioni. 2 millioni d'euri. A strada anziana era in un gattivu statu.
In paesi, ci hè parechji cummercii (caffè, risturanti) è un picculu cummerciu d'alimentazioni.
L'allevu : una vechja tradizioni di a valli di a Gravona. Comè indè parechji lochi di Corsica, issi mistieri di a terra si facenu piu scarsi, ma quissi chì cuntinueghjanu provanu d'adattassi è di mudernizassi, mantinendu quantunqua una certa manera di fà. Sébastien è a so moglia Joelle so stallati in Auccià, 600 porchi. Tutti di razza corsa, ditta "Nustrale". Anu apartu un puntu di vendita nant'à a cumuna di Veru.
Tavacu
Tavacu hè una cumuna di a Gravona sparta trà u paesi in muntagna è u parcu d'attività long'à a RT20, induva sò stallati piu di deci intrapresi. U dinamismu di stu locu cummerciali parmetti di finanzà, par via di i tassi è di l'impositi, parechji prugetti in paesi è nant'à a cumuna sana.
Sarrula è Carcupinu
Per sti lochi in a Gravona. Partimu à u scontru di Jean-André Mameli, pecuraghju dipoi 35 anni nant'à a cumuna di Sarrula è Carcupinu. Hà 150 pecuri.
Retrouvez l'intégralité des "Per sti lochi" sur cette carte :
