Dopu à i viulenzi in carrughju di l’ultimi simani, una cinquantina di parsoni frà i quali universitarii, artisti, sindicati è studienti lampanu una chjama pà appacià a situazioni. Par iddi, "da troppu viulenza nascerà troppu viulenza".
"Hè ghjuntu u tempu di parlà, di prupone è di custruisce". Eccu u missaghju lampatu da una cinquantina di parsoni ch’ani signatu un manifestu.
"Capimu a collera di a ghjuventù è chjamemu cun ella à fà rispettà i diritti di u populu corsu, dici ‘ssa dichjarazioni pubblica scritta in lingua corsa. Noi, in quantu chè universitarii, ghjente di cultura, artisti, sindicati, studienti, disimpiegati, ritirati, naziunalisti o nò, dilusi o militenti adduniti, vulemu fà voce cumuna cun ella."
I signatarii chjamanu à l’appaciamentu. "Ci hè digià corsu troppu sangue di i nostri, è sapemu tutti chì u prugressu sarà purtatu da i vivi, è sopratuttu da a nostra ghjuventù […] A lotta in carrughju, puru essendu leghjittima, hè oghje duvintata un periculu per voi."
"Fà piantà ‘sse lite"
Pubblicatu nant'à i reti suciali, u testu lampa dinò una chjama à u "Statu è à a so prifettura pà fà piantà a viulenza pulizzera accanita è à apre e neguzazione".
In quiddu cuntestu di l’alizzioni presidenziali è di i discursati cù u guvernu nant’à l’avvena istituziunali di a Corsica, hè ancu dumandatu "l’unione di tutti i Corsi par ritrattà inseme l’autunumia di dumane. Parlendu d’una voce sola. Quella di u populu !"
"Dumandemu à l’eletti di fà piantà ‘sse lite chì ci stofanu dapoi anni è anni […] è dumandemu à e forze pulitiche unite, elette o nò, di prisentà una pruposta cumuna, chjara è precisa di prugettu d’autunumia frà pocu." È d’aghjustà : "u populu corsu deve firmà addunitu ! Divisi, ùn seremu nunda."
"Évitons les drames"
In u stessu tempu, Jean-Félix Acquaviva, diputatu di u Cismonte, s’hè iddu dinò sprimatu pà via di un cumunicatu intitulatu : "évitons les drames et mettons la Corse sur une voie d’avenir et de paix".
"Je suis très inquiet quant à l’évolution de la situation qui peut conduire à des drames, notamment sur des jeunes gens, scrive u diputatu naziunalistu è cunsiglieru tarrituriali "Fà populu inseme" à l’Assemblea di Corsica. Les tirs de LBD (lanceur de balles de défense) et envois de grenades de désencerclement doivent cesser. […]. Pour des raisons évidentes visant à éviter des drames, nous appelons à ce que les actions quotidiennes sur le mode guerilla urbaines cessent, qu’il y ait une accalmie pour laisser place à d’autres types de mobilisation plus larges et au dialogue. Il ne peut être opposé aucun préalable à la reprise du dialogue politique."
Ramintemu chì una prima reunioni trà l’eletti isulani è u ministru di l’Internu Gérald Darmanin si duvia tene vennari scorsu in Parighji. Ma hè stata rimandata dopu à i viulenzi accaduti dopu a manifestazioni di l’ultima duminicata in Aiacciu.
