Ils font partie des sinistrés de la tempête Ciaran qui rencontrent le ministre de l'agriculture ce 17 novembre : la cidrerie de Rozavern, à Telgruc a subi de gros dégâts dans la nuit du 1er au 2 novembre. 400 gwezenn avaloù a zo bet torret e liorzhoù ar familh Mazeau Scouarnec gant ar gorventenn Ciaran. Ur sapre taol evit produerien sistr Terrug.
Distrujoù bras a zo bet gant ar gorventenn Ciaran e liorzhoù avaloù ar sistrerezh Rozavern, e Terrug. Kantadoù a wez, ar re goshañ dreist-holl, a zo bet torret pe diwrizhiennet gant an avelioù diroll. E-pad 15 vloaz e vo santet efedoù ar barr-avel war obererezh ar sistrerezh rak ret e vo prenañ avaloù en ur c'hortoz vefe produet trawalc'h gant ar gwez a vo plantet en-dro. Ha darbet eo bet d'ar familh koll sistr ar bloaz-mañ ivez abalamour d'an tredan troc'het.
Teulfilmoù a-vil-vern
Bep bloaz e vez kinniget e miz Du Mizvezh an teulfilmoù. E Breizh e vez kenurzhiet an darvoud gant kevredigezhioù disheñvel e pep departamant ha pep hini a ra he dibab diwar ar filmoù produet er vro. Ha puilh eo c'hoazh ar c'hinnig ar bloaz-mañ gant filmoù evel "Et en plus ils dansent" pe "20 ans sans ferme". Evit ar sevenerien e vez talvoudus an eskemmoù gant ar arvesterien e fin ar skignadennoù.
