Il n'y a jamais eu autant de lait bio produit, mais la demande régresse. Jean Gouérec publie une étude sur le pourquoi du comment. Bet omp da wellet Jean Gouerec e Ploeven da c'houzout perak hervezañ ne vez ket graet berzh gant al laezh bio.
Blokus Amazon
Stanket vez gant gopridi NGS Express mont-ha-donioù stal Amazon Brieg dibaoue dilun. Kas ha degas a reont ar pakadoù d'ar pratikoù hep bezañ gopret evit lod. Galvet o deus ensellerezh al labour ha prokulour Kemper vit ma baefe an implijer e zleoù.
Re a laezh bio ?
Gant Jean Gouerec, bet sekretour meur skol HEC Pariz, eo bet studiet marc'had al laezh bio. Kalz a laezh vez produet pa tigresk an ezhommoù hervez ar sifroù. Koulskoude eo bet divizet gant ar stad tizhout palioù bras : 20% eus ar boued er c'hantinoù-skol a rankfe bezañ bio. Pelec'h emañ an dalc'h ? Sed aze korf studiadenn Jean Gouerec.
Ur sizhunvezh olimpek
E Pariz e vo aozet ar c'hoarioù olimpek ar bloaz a zeu. Da vroudañ an darvoud en deus divizet ministrerezh an deskadurezh stad gouestlañ ar sizhun-mañ d'ar c'hoarioù olimpek ha paralimpek. Un digarez evit dizoloiñ a bep seurt sportoù gant skolidi Kemper.
